Heathcote William Garrod, comp. (1878–1960). The Oxford Book of Latin Verse. 1912.

Horace 65 B.C.–8 B.C.

Si jeunesse savait, si vieillesse pouvait

OCRVDELIS adhuc et Veneris muneribus potens,

insperata tuae cum ueniet pluma superbiae,

et, quae nunc umeris inuolitant, deciderint comae,

nunc et qui color est puniceae flore prior rosae,

mutatus, Ligurine, in faciem uerterit hispidam,

dices ‘heu’, quotiens te in speculo uideris alterum,

‘quae mens est hodie, cur eadem non puero fuit

uel cur his animis incolumes non redeunt genae?’