Heathcote William Garrod, comp. (1878–1960). The Oxford Book of Latin Verse. 1912.

Seneca, the younger c.3 B.C.–A.D. 65

Time

OMNIA tempus edax depascitur, omnia carpit,

omnia sede mouet, nil sinit esse diu.

flumina deficiunt, profugum mare litora siccant,

subsidunt montes et iuga celsa ruunt.

quid tam parua loquor? moles pulcherrima caeli

ardebit flammis tota repente suis.

omnia mors poscit. lex est, non poena, perire:

hic aliquo mundus tempore nullus erit.