Heathcote William Garrod, comp. (1878–1960). The Oxford Book of Latin Verse. 1912.

Martial c.A.D. 40–c.A.D. 104

The Marriage of Pudens and Claudia

CLAVDIA, Rufe, meo nubit Peregrina Pudenti:

macte esto taedis, o Hymenaee, tuis.

tam bene rara suo miscentur cinnama nardo,

Massica Theseis tam bene uina fauis;

nec melius teneris iunguntur uitibus ulmi,

nec plus lotos aquas, litora myrtus amat.

candida perpetuo reside, Concordia, lecto,

tamque pari semper sit Venus aequa iugo.

diligat illa senem quondam, sed et ipsa marito

tum quoque cum fuerit, non uideatur anus.