Heathcote William Garrod, comp. (1878–1960). The Oxford Book of Latin Verse. 1912.

Martial c.A.D. 40–c.A.D. 104

Contemporary Fame

HIC est quem legis ille, quem requiris,

toto notus in orbe Martialis

argutis epigrammaton libellis:

cui, lector studiose, quod dedisti

uiuenti decus atque sentienti

rari post cineres habent poetae.

Vndenis pedibusque syllabisque

et multo sale, nec tamen proteruo,

notus gentibus ille Martialis

et notus populis—quid inuidetis?—

non sum Andraemone notior caballo.