Sara Teasdale, comp. (1884–1933).
The Answering Voice: One Hundred Love Lyrics by Women. 1917.

The Siller Crown

Susanna Blamire

“AND ye sall walk in silk attire,

And siller hae to spare,

Gin ye ’ll consent to be his bride,

Nor think o’ Donald mair.”

O, wha wad buy a silken gown

Wi’ a puir broken heart?

Or what ’s to me a siller crown

Gin frae my love I part?

The mind whose meanest wish is pure

Far dearest is to me,

And ere I ’m forced to break my faith,

I ’ll lay me down and dee.

For I hae vowed a virgin’s vow

My lover’s faith to share,

An’ he has gi’en to me his heart,

An’ what can man do mair?

His mind and manners won my heart,

He gratefu’ took the gift,

An’ did I wish to seek it back

It wad be waur than theft.

The langest life can ne’er repay

The love he bears to me,

And ere I ’m forced to break my faith,

I ’ll lay me down an’ dee.