Henry Wadsworth Longfellow, ed. Poems of Places: An Anthology in 31 Volumes.
Scotland: Vols. VI–VIII. 1876–79.

Castle-Gordon

The Young Highland Rover

By Robert Burns (1759–1796)

LOUD blaw the frosty breezes,

The snaws the mountains cover;

Like winter on me seizes,

Since my young Highland Rover

Far wanders nations over.

Where’er he go, where’er he stray,

May Heaven be his warden,

Return him safe to fair Strathspey

And bonny Castle-Gordon!

The trees now naked groaning

Soon shall wi’ leaves be hinging,

The birdies dowie moaning,

Shall a’ be blithely singing,

And every flower be springing.

Sae I ’ll rejoice the lee-lang day,

When by his mighty warden

My youth ’s returned to fair Strathspey,

And bonny Castle-Gordon.