John Hay, Marquess of Tweeddale (1645–1713)

WHEN Maggie and I were acquaint

I carried my noddle fu’ hie;

Nae lintwhite on a’ the green plain,

Nae gowdspink sae happy as me.

But I saw her sae fair, and I lo’ed,

I wooed, but I cam’ nae great speed;

So now I maun wander abroad,

And lay my banes far frae the Tweed.

To Maggie my love I did tell,

Saut tears did my passion express;

Alas! for I lo’ed her o’erweel,

And the women lo’e sic a man less.

Her heart it was frozen and cauld,

Her pride had my ruin decreed;

Therefore I will wander abroad,

And lay my banes far frae the Tweed.